Çka është paraja?

Në fillim të civilizimit nuk kanë ekzistuar paratë, kështu që njerëzit ndërronin një lloj të mallit me llojin tjetër  apo me ndonjë shërbim. Kështu  që p.sh. rrobaqepësi i qepte rroba fermerit në ndërrim të një deleje, qumështi , lëkure etj. Mirëpo shpesh ndodhte që rrobaqepësit nuk i nevojitej asgjë nga ajo se çka i ofronte fermeri, në këtë mënyrë fermeri duhej të kërkonte rrobaqepësin që kishte nevoje për produktet e tija. Kjo sillte probleme të mëdha për arsye se secili duhej të gjente personin adekuat të cilit i nevojitej malli i tij. Në mënyrë që më lehtë të blinim, rroba, ushqim apo për plotësim të ndonjë shërbimi njerëzit zbuluan paranë.

Paraja është:

1. Materie shkëmbyese: Në fillim për pagesë janë përdorur gjëra të vlefshme si guacat, lëkura apo edhe bronzi. Sot njerëzit  përdorin  monedhat  dhe paratë prej letrës të cilat përmbajnë një vlerë të caktuar dhe shërbejnë si mjet këmbimi.
2. Vlerë e pandryshuar: do te thotë se monedha prej 1 eurove, mund të ndahet në 10 monedha të tjera me vlerë nga 10 cent mirëpo vlera të mbetet e njëjtë.
3. Pranimi i vlerës : që të pranohet si vlerë monetare, valuta duhet të përmbajë vlerën e saj për një periudhë më të gjatë. Ajo duhet të jetë jetëgjatë, e qëndrueshme dhe shumë e vështirë për kopjim.