Në Stadiumin “Riza Lushta” në Mitrovicë është mbajtur kampi multietnik veror sportiv“Shkolla e hapur zbavitëse e futbollit”(Open fun football schools). Pjesëmarrës në këtë kamp ishin më shumë se  200 fëmijë të moshës 7 deri 12 vjeç, të dy gjinive dhe të gjitha përkatësive etnike si dhe 15 trajnerë kombëtar dhe ndërkombëtar të cilët trajnonin fëmijët dhe ju shpjegonin rëndësinë e  teknikave të lojës së futbollit për pesë ditë me radhë , dhe mbi të gjitha promovonin sportin si urë  lidhëse të shumë komuniteteve.  Kampi multietnik veror është financuar nga vendet skandinave përkatësisht Danimarka dhe UEFA dhe mbështetur nga Ministria e Sportit dhe ProCredit Bank.

ProCredit Bank  për nder të kësaj iniciative organizoi një aheng për të gjithë pjesëmarrësit. Ahengu I organizuar kishte po ashtu  një karakter zbavitës dhe në ndërkohë punonjësit e bankës me shumë dashamirësi i’u shpjegonin pjesëmarrësve të vegjël çfarë janë parat, bankat si dhe kursimet.