Edhe këtë vit për të pestin vit me radhë, ProCredit Bank organizoi lojërat për fëmijë ProKid 2009, me qëllim të stimulimit të zhvillimit të aftësive sociale të fëmijëve, të bazuara në lojëra.

Pjesëmarrës të këtyre lojërave ishin fëmijët e shkollave fillore prej  të gjitha rajoneve të Kosovës.

Në secilin edicion të lojërave ProKid, kanë marrë pjesë nga 320 fëmijë të moshës 7 deri në 12 vjeç, gjithsej 1, 600 fëmijë për katër lojërat garuese dhe finalen e madhe.

Edhe këtë vit lojërat ProKid u mbajtën  në pishinën “Europark” Zllakuqan - Klinë ku përmes shumë lojërave fëmijët patën  mundësin të sprovojnë forcën e tyre.

Nxënësit e shkollës fillore “Bashkimi” nga Drenasi  kanë sfiduar moshatarët e tyre nga shkollat tjera rajonale duke u shpallur kështu fitues të lojërave “ProKid 2009”.

Vendi i dytë i takoi shkollës fillore “Azem Bejta” nga fshati Grabanicë – Pejë, ndërsa në të tretin është radhitur shkolla fillore Jusuf Gervalla nga fshati Prapaqan – Pejë.